Aanngalerpugut?

Nunatta Isiginnaartitsisarfiata isiginnaagassiaq "Aanngalerpugut?" saqqummiuppaa.

Nunatsinni angalaneq

Isiginnaartitsisartut misilittagartuut Else Danielsen, Mike Fencker Thomsen kiisalu Pipaluk Kreutzmann Jørgensen isiginnaartitsisartuupput oqaluttuarnermik pikkoriffeqartut. Isiginnaartitsissutikkut makku oqaluttuaralugit isiginnaartuminnik immersuissapput:

• Manguaraq Aningaarlu
• Arnaq ernisuitsoq
• Nuliaq allasiortartoq
• Toqungasut siutinik sianertitsisut

Taakku H.J. Rinkip (1819-93) aamma Knud Rasmussenimit (1879-1933) oqaluttuat allataanneersuupput.

Pipaluk Kreutzmann Jørgensen-ip isiginnaagassiami siullermi Nuummi upernaaq 2012 ilitsersuisoq ima oqarpoq:

”Isiginnaartitisartut qanimut suleqatiginiarsimavakka, oqaluttuatoqqaniittunimmi kulturikkut erlinnartuutitsinnik saqqummiussisarnermik assut misilittagartuupput. Isiginnaartitsisartut oqaluttuat nuannarinerpaasatik qulaajarniarpaat, isiginnaartitsissullu ullutsinni oqaluttuat facebookip silarsuaaneersut oqaluttuanit ukkusissami qulliup qaamarngani oqaluttuaqattaassutigisat 1800-kkunneersut ataqatigiissiffiata saqqummiunnissaa qilanaaraarput.

Mike Fencker Thomsen angutaavoq inuusuttoq GU-mi ukiut pingajussaannik ilinniarnermini suliassiissummik allannialersussaq. Aatsaavissuaq inuunermini kalaallinit oqaluttuatoqqat atualersussanngorpai. Angalaninngorpoq nammineq tikiffissaminik toqqagaqarfiginngisaa. Kingumut uternermini siulini naapippai, takorluukkaminilu taamanikkut qanoq oqaluttuartoqartarnera assilialersuiffigilerpaa.

Nunatsinni nutaaliaasumi aamma pinngortitamik assissaqanngitsumik aamma tunioragaavugut. Taamaattumik isiginnaartitsissummi attaviusoq tassaavoq angut taanna inuusuttoq, facebookimik silarsuarmiittoq tassanngaannaq ataatsimoorussatsitut kulturimi erlinnartuutitsinnik – oqaluttuatoqqanit oqalualaanillu – killitsinneqartoq".

Ussassaarut takuuk

Nunatsinni angalaneq 2012
6. septembari                     Aasiaat, Katersortarfik nal. 13.00
8. septembari                     Ilulissat, Sermermiut nal. 14.00
10. septembari                   Qasigiannguit, Timersortarfik nal. 19.00
14. septembari                   Sisimiut, Taseralik nal. 19.00
17. septembari                   Maniitsoq, Katersortarfik nal. 19.30

Kikkunnut
10-niit ukiulinniit

Nunatsinni angalanermi ilitsersuisoq Svenn B. Syrin
Isiginnaartitsisut Else Danielsen, Mike Fencker Thomsen aamma Pipaluk Kretuzmann Jørgensen
Tunuliaqusiortoq Camilla Nielsen
Atsisanik mersortut Kirsten Mortensen, Louise Lynge Hansen, Lisa Lynge Hesseldahl & Heidi Rizli Holm
Oqaasilerisoq Nuka Møller
Nutserisut/oqaasilerisut Pipaluk Kreutzmann Jørgensen & Miké Fencker Thomsen
Teknikkikkut aqutsisoq Ilannguaq Kleist
Nipilerisoq Gert W. Lyberth
Isiginnaagassiornermi aqutsisoq Bendo Schmidt